Tamén chamado peixe de San Pedro, Samartiño, Martiño ou Gallopedro. É un pescado semigroxo. Corpo extremadamente comprimido e alto, con unha gran mancha circular escura a cada lado. Radios da dorsal prolongados en filamento.

Habita tanto en fondos de rochas como en pradeiras submarinas e fondos de area, onde poden enterrarse as veces. Vive entre augas, a profundidades que varían dende os 20 a os 200 metros. De costumes solitarias. Tarda en reproducirse polo que hai que ser moi esixente respecto das tallas mínimas.

Aliméntanse de outros peixes, vermes e crustáceos como camaróns. Caza á espreita e engole ás presas coa súa gran boca protráctil.

É escaso pero merece a pena probalo algunha vez.